ہو نہیں سکتی یہ جرأت گرمیِ گفتار میں
پیش کردے تیری عظمت پیکر اشعار میں

ہے ترے چہرے کی زینت غازہِ غارِحرا
گلشنِ یحییٰ تری کیا روح پرور ہے فضا

کیا کشش اے شہر وجداں تیرے بام و در میں ہے
طور ایماں کی تجلی تیرے ہر منظر میں ہے
تو زمیں پر ہے تیرا جلوہ مہ و اختر میں ہے
بات ہیرے میں کہاں جو تیرے سنگ در میں ہے
پھوٹتی ہے تیرے دل سے سلسبیلِ والضحٰی
گلشنِ یحییٰ تری کیا روح پرور ہے فضا
فقہ وسنت سے معطر ہیں ترے لیل و نہار
تیرے باغیچے میں ہے ہر سمت قرآن کی بہار
ہے ملائک کی گزر گہ تیرا پاکیزہ دیار
حضرتِ الیاس کے جذبوں کا تو ہے شاہکار
ہے زمین میرا تصور اور فلک تیری ثنا
گلشنِ یحییٰ تری کیا روح پرور ہے فضا
مولوی عبید الرحمن ہاشمی
(متخصص فی اللغة، معہد الخلیل الاسلامی)